Uribe Kostako Etxebizitza Sindikatuak asanblada irekia egingo du Romoko Kultur Etxean - Getxo - 2026-10-20 | Hiruka

Urriaren 20an, martitzenean, Uribe Kostako Etxebizitza Sindikatuak batzar irekia antolatuko du Romoko Kultur Etxean, arrastiko 18:00etan. Helburua azaroaren 11n egingo den greba orokorraren inguruan hitz egitea da. Horrez gain, Uribe Kostan "mahai gainean" dauden gatazkez, etxebizitzaren arazoaz eta horri aurre egiteko moduez ere eztabaidatuko dute. 

hiruka.eus

Leioak 500. urteurrena ospatzeko bi eguneko jaia prestatu du urriaren 30 eta 31rako - Leioa | Hiruka

Leioaren 500. urteurreneko ospakizunak azken txanpan sartu dira, baina oraindik badago zer ospatu! Urriaren 30ean eta 31n, herriko elkarteak omentzeko, oroitzapenak etorkizunerako gordetzeko eta kaleak musikaz zein dantzaz betetzeko egitaraua prestatu du Udalak. GAUDE elkarteak jasoko du aurtengo Leioa Eguneko Saria, eta zapatuan, 500 herritarrek parte hartuko dute denbora-kapsularen itxiera sinbolikoan.

hiruka.eus

Urdulizko ospitaleak Bihotz-Biriketako Bizkortzeko tailerra egingo du urriaren 16an - Urduliz - 2026-10-16 | Hiruka

Bihar, Bihotz-Biriketako Bizkortzearen (BBB) Eguna dela eta, Osakidetzako profesionalek herritarrei zuzendutako BBB tailer bat emango dute. Helburua bizitzak salba ditzaketen oinarrizko teknikak herritarren artean zabaltzea da. Urdulizko Ospitaleko sarreran egingo dute, 10:00etatik 12:00etara. 

hiruka.eus

Gizarte arloko proiektuetarako dirulaguntzak eskatzeko epea zabalik dago Sopelan - Sopela | Hiruka

Sopelan gizartearen alde lan egiten duten elkarteek badute euren proiektuetarako laguntza ekonomikoa eskatzeko aukera. Udalak 2026ko gizarte esku-hartzearen arloko dirulaguntzen deialdia jarri du martxan, guztira 20.000 euroko aurrekontuagaz. Eskaerak aurkezteko azken eguna urriaren 20a izango da.

hiruka.eus

Pintxoak, musika eta sasoiko zaporeak izango dira protagonista Gorlizen, urriaren 23tik 25era - Gorliz | Hiruka

Urriaren 23tik 25era, Dastatu Urriak gastronomia, musika eta adin guztietarako jarduerak ekarriko ditu herrira. Pintxo lehiaketa, dastaketak, sukaldaritza-tailerrak eta zuzeneko emanaldiak izango dira, besteak beste, udazkeneko produktuak ezagutu eta giro ederrean gozatzeko.

hiruka.eus

Jone Arkauz eta Jagoba Terrones: "Bizkerren familia handi bat gara" - Getxo | Hiruka

Duela 46 urte hondartzan hasi zen Bizkerreren ibilbidea. Gaur egun, 334 ume eta jokalari batzen ditu klubak, baina hasierako filosofiari eusten dio: futbolean haztea bai, baina pertsonak ahaztu barik.

hiruka.eus

Goikolanda eta Akarlanda lotzen dituzten bi pasabide itxi dituzte egoera txarrean egoteagatik - Erandio | Hiruka

Erandioko Auzokideok-Erandio Bizirik elkarteak azaldu duenez, azken asteotan, Erandioko Goikolanda eta Akarlanda parkea lotzen dituzten egurrezko bi pasabideak itxi dituzte hondatuta egoteagatik.

hiruka.eus

Getxoko Udalak Algortako Merkatuan GauEgun Gazteleku berria egiteko obrak esleitu ditu - Getxo | Hiruka

Getxoko Udalak azaldu duenez, Algortako Merkatuan GauEgun Gazteleku berria egokitzeko obrak Horlasa Construcción y Servicios enpresari esleitu dizkio, 671.180,67 euroan. Lanek sei hilabeteko iraupena izango dute, eta Kantxa Kirol Moda saltoki zaharraren lokalean 270 metro koadroko espazio berria sortuko dute, 11 eta 17 urte arteko 40 bat gazterentzako edukieragaz.

hiruka.eus

Uribe Kostako musika-eskolen doinuak Urdulizko ospitalera heldu dira - Uribe kosta | Hiruka

Osakidetzak bultzatutako ekimenak Soinuak du izena, eta Uribe eskualdeko musika-eskoletako ikasleen aldizkako kontzertuak Urdulizko Alfredo Espinosa Ospitalera hurbiltzen ditu. Helburua pazienteak eta senideak zaurgarritasun-uneetan laguntzea, ospitaleko egonaldia atseginago egitea eta une batez gaixotasunetik edo tratamendutik arreta aldentzea da. 

hiruka.eus

Berangok radar berri bat jarriko du Moreaga kalean - Berango | Hiruka

Udalaren arabera, egunero 6.200 ibilgailu inguru igarotzen dira Moreaga kaletik, baina gutxi dira abiadura-muga errespetatzen dutenak. Horren ondorioz, azken bi urteetan, herritarrek horri buruzko hainbat eskaera egin dituzte; eta, orain, horiei erantzuteko, radar berria kokatu dute. Hala ere, Udalak oraindino ez du zehaztu noiz jarriko den martxan.

hiruka.eus

Andra Mariko idi-proben aurkako elkarretaratzea egingo dute zapatuan - Getxo | Hiruka

"Herri kirolak bai, idi probak ez" aldarrikapenagaz, Sokamuturra Ez, Animaliekiko Tratu Txarrik Ez eta Alma Animal elkarteek elkarretaratzea deitu dute urriaren 17rako, zapaturako, Getxon. Andra Mariko hainbat bizilagunen babesagaz, idi-probak bertan behera uztea eskatuko dute, animaliei sufrimendua eragiten dietela salatuta. Mobilizazioa 19:00etan izango da, Andra Mariko kiroldegiaren aurrean.

hiruka.eus

Barrikak errefusa murriztu eta materia organikoaren birziklapena nabarmen handitu du 2026an - Barrika | Hiruka

Udalak adierazi duenez, 2026ko lehen bederatzi hilabetetan 327.300 kilo errefus bildu dira, beherakada handia suposatu duena, eta materia organikoaren kasuan, 72.820 kilo batu dira, hau da, 2025. urte osoan baino 18.160 kilo gehiago. Udalak erabaki du hondakinen tasan % 20ko hobaria ezartzea materia organikoa birziklatzen duten etxeei, 2026ko azken hiruhilekotik aurrera.

hiruka.eus

Inguru Minguru tailerrak egingo dituzte Urdulizen urriaren 23an - Urduliz - 2026-10-23 | Hiruka

Inguru Minguru tailerren helburua umeei ingurugiroarekiko errespetua sustatzea izango da, besteak beste, baliabide naturalak modu egokian erabiltzearen arduraz sentsibilizatzea, hondakin gutxiago sortzearen garrantziaz jabe araztea eta birziklatzea eta berrerabiltzea bultzatzea. Lau urtetik gorako umeentzat zuzendutako tailerra izango da, eta, bertan, "mosaiko jasangarri" bat sortuko dute. 

hiruka.eus

Luis Artola eta Iñaki Lagos: "Palestinarrek han egotearekin bakarrik erresistentzia egiten dute" - Uribe kosta | Hiruka

Palestinako egoera aspalditik izan dute presente. Iñaki Lagos urduliztarrak biolina irakasten du Bilboko Kontserbatorioan; Luis Artola, berriz, Getxon bizi den luthierra da eta BELE Bilboko Euskal Lutheria Eskolan irakasten du. 2026ko otsailean Zisjordaniara joan ziren Al Kamandjatiren lana bertatik bertara ezagutzera.

hiruka.eus

Etxebarrirako metroak apur bat lehenago irtengo dira urriaren 16tik aurrera - Getxo | Hiruka

Bariku honetatik, urriaren 16tik, abenduaren 17ra bitartean, 1. lineako Etxebarrirako trenak ohikoa baino apur bat lehenago irtengo dira. Gobela, Neguri eta Aiboa artean egingo dituzten mantentze-lanak dira aldaketaren arrazoia. Dena den, trenak betiko maiztasunagaz ibiliko dira.

hiruka.eus

Sei Herri Kultur Elkarteak Berangoko 41. Ibilaldi Neurtua antolatuko du azaroaren 15ean - Berango | Hiruka

Azaroaren 15ean, domekan, urtero antolatzen duten ibilbide neurtuaren 41. edizioa ospatuko dute: Mendi-buelta, umeentzako tailerra, herri-bazkaria eta giro ezin hobea pilotalekuan. 

hiruka.eus

Itsasadarraren azpiko tunelaren obrak, zarata-mugen gainetik - Uribe kosta | Hiruka

Atzo, plataformak Bizkaiko Foru Aldundiaren aurrean elkarretaratu zen Lamiakoko Ibaipekoaren obretan Kalitate Akustikoaren Helburuak (KAHak) bertan behera uztearen aurka protestatzeko; eta erabaki horrek auzokideen zein Artaza-Romo institutuko eta Romo eskolako ikasle eta langileen, osasunean eta atsedenean izango dituen eragin larriak salatzeko.

hiruka.eus

Eusko Jaurlaritzak Loiolako babes publikoko etxebizitzen behin behineko esleipendunen zerrenda argitaratu du - Sopela | Hiruka

Loiola eremuan eraikitako 24 etxebizitzen behin behineko esleipendunen zerrendaz gainera, Jaurlaritzak itxaron zerrendak eta errolda antzinatasuna ez egiaztatzeagatik prozeduratik baztertutakoen zerrenda argitaratu du ere, Sopelako Udalak jakinarazi duenez. Informazio guztia Etxebideren webgunean kontsulta daiteke.

hiruka.eus

'Plentzia Lagunkoia' prozesuak adinekoentzat herri "atseginagoa" eraikitzen jarraitzen du - Plentzia | Hiruka

Udalak 2024-2025 ikasturtean hasitako Plentzia Lagunkoia prozesuak aurrera jarraitzen duela adierazi du. Helburua adinekoen beharrei, kezkei eta herriko indarguneei erantzutea da. 

hiruka.eus

Santo Tomas jaietarako prest! - Lemoiz - 2026-10-16 | Hiruka

Santo Tomas jaiak ospatuko dira Lemoizko Armintza auzoan urriaren 16tik 18ra. Jai batzordeak hiru egunetarako egitarau oparoa antolatu du: kirolaz, gastronomiaz, musikaz, tradizioaz eta, nola ez, arrantzale eta baserritar egunaz gozatzeko aukera izango dute armintzarrek hurrengo aste-akabuan.

hiruka.eus

Jai-giroz bete da Andraka aste-akabuan San Frantzisko jaiekaz - Lemoiz | Hiruka

Joan den aste-akabuan Lemoizko Andraka auzoko San Frantzisko jaiak ospatu ziren. Zapatuan, hainbat lagun bildu ziren putxera lehiaketan, Andrakako II. Padel Txapelketan eta igel lehiaketan parte hartzeko eta gozatzeko. Hona hemen jaiek utzitako argazki batzuk!

hiruka.eus

Etxeko txikiakaz "Tretatxu" umeentzako antzezlanaz gozatu gura duzu? - Getxo - 2026-10-25 | Hiruka

Muxikebarrik Tretatxu umeentzako antzerkia hartuko du urriaren 25ean, arrastiko 18:00etan. Txotxongilo-antzezlan honek lapurreta ausartak, ihes ikusgarriak eta abentura zirraragarriak uztartzen ditu, umorea, hunkidura eta samurtasuna konpainiaren berezko estetika zainduagaz eta sentiberatasunagaz bat eginez. Sei urtetik gorako umeentzako antzezlana da, eta urriaren 18a arte –domeka arte–, HIRUKAko zozketetan sarrerak eskuratu ahal izango dira. 

hiruka.eus

Getxok tribial moduko euskarazko 'Gurot' aplikazioaren lehiaketa antolatuko du - Getxo | Hiruka

Beste lau udalagaz eta bi mankomunitategaz elkarlanean, eta hainbat entitateren laguntzagaz, Gurot euskarazko galderen aplikazioaren lehiaketa antolatuko dute 16 urtetik gorakoentzat.

hiruka.eus

Getxo Modaren 39. edizioa heltzear dago! - Getxo | Hiruka

Urriaren 28an eta 29an, Getxo Modaren edizio berri honetan, Muxikebarrik moda, merkataritza, diseinua eta talentua uztartuko ditu. Aurten, gainera, proposamen berri bati esker, muga berriak zabalduko dituela aurreratu dute.

hiruka.eus

Urdulizko EAJk plangintza falta egotzi die EH Bilduri eta Elkarrekin Podemosi - Urduliz | Hiruka

EAJk koordinazio faltaz hartutako hainbat erabaki kritikatu ditu, eta diru publikoaren erabileran "aurreikuspen, segurtasun eta erantzukizun" handiagoa eskatu die EH Bilduri eta Elkarrekin Podemosi. 

hiruka.eus

Subflubiala EZek kontzentrazio zaratatsua egingo du gaur Diputazioaren aurrean - Uribe kosta | Hiruka

Plataformak salatu du Bizkaiko Foru Aldundiak itsasadarraren azpiko tunelaren obrek iraun bitartean zarata mugak kenduko dituela Artatza parke inguruan (Leioa), eta proiektua bertan behera gelditzea eskatu du berriz ere. Kontzentrazioa gaur egingo du, urriak 13, 18:00etan, Aldundiaren jauregiaren aurrean.

hiruka.eus

Getxok berriro lizitatuko du hiri-autobusaren zerbitzua - Getxo | Hiruka

Irailaren 23ko osoko bilkuran, zerbitzu publikoa arautzeko araudia eta ordenantza fiskala behin-behinean onartu zuten; bertan, hainbat erabaki hartu zituzten, besteak beste, funtzionamenduari, erabiltzaileen eskubide eta betebeharrei, zerbitzuaren tarifari eta proba-pilotuaren epeari buruzkoak. Orain, horren harira, aldaketak iragarri dituzte.

hiruka.eus

Leioak Idiazabal gazta eta Bizkaiko Txakolina dastatzeko saioetarako izen-ematea zabaldu du - Leioa | Hiruka

Abenduaren 13an, Idiazabal gazta eta Bizkaiko txakolina dastatzeko saio azalduak egingo dituzte Kultur Leioako erakusketa-gelan, Nekazaritza Azokaren harira. Izena emateko epea zabalik dago dagoeneko, eta azaroaren 20ra arte egin ahal izango da.

hiruka.eus

"Gure semeak ezin izango du eskolan bazkaldu" - Plentzia | Hiruka

Nerea Zarragaren semea bi urteko gelan hasi da aurten Plentziako eskolan. Ikasturte berriak, ordea, espero ez zuten arazo bat ekarri dio familiari: umea beganoa da eta Eusko Jaurlaritzaren erabakia dela eta, jantokiak ez du %100 begetala den menurik eskaintzen. Etxetik janaria eramateko aukera ere ukatu dietela dio Zarragak; beraz, egunero 12:15ean jaso beharko dute umea. Ez da euren kasua bakarrik, eta egoera berean dauden hainbat familia antolatzen hasi dira Eusko Jaurlaritzari irtenbide bat eskatzeko. 

hiruka.eus

Berango-Meranako IGEak sukaldaritza propioa aldarrikatu du Elikadura Jasangarriaren Astean - Berango | Hiruka

Urriaren 16an Elikaduraren Munduko Eguna da; aitzakia horregaz, Berango Merana Eskolako familiek eskolan bertan sukaldaritza propioa aldarrikatzeko Elikadura Iraunkorraren Astea ospatuko dute. 

hiruka.eus