كان خبرا في جريدة، وصورة في إحدى المنشورات بوسائل التواصل الاجتماعي، بدأ يشعر أنه إنسان، حتى بعد موته ! #هلوسة_نظامي
Ahmed Alnezamy
@nezamy.bsky.social
كاتب مايزال يتلمس أول الطريق هنا بعض من هلوساتي #هلوسة_نظامي وهنا مدونة فيها بعض قصصي https://nezamywritings.wordpress.com/
أحيانا أرجع بالذاكرة لشخصيتي من ١٠ سنين أو أكتر، ألاقي فيا صفات مش كويسة، لو قابلت حد دلوقتي عنده هاتضايق منها. أحس بخجل، بس أقول يمكن عشان كدا ربنا حطني في ابتلاءات عشان يبين لي دا. يعني لو فرضا انا دلوقتي قابلتني زمان كنت هاتخانق معايا وأشتمني 🤣🤣🤣
أحيانا بيبقى جوايا كتير أوي أحكيه، مجرد بس للفضفضة مش أكتر، بس فيه حاجز بيقف قدامي دايما "أحكي لمين؟ واللي هاحكيله ممكن يظن انه بافضفض لغرض" دا يشمل السوشيال لأني عمري ما فضفضت فيها، بس من الحاجات الجميلة اني ألاقي حد بيحكي عن تجربة ما ممكن تشبه تجارب سابقة ليا كأنه بيفضفض عني 😂
الحكاية لما تبقى في مكان واحد وشخصيات متعددة بيتفاعلوا بسبب اضطرار وجودهم فيه ومحاولة الخروج منه، لو ما اتعملش صح بيبقى أشبه بعربية فشار، الدرة فيه قاعدة تطير لبرا بدون هدف ! شوفوا فيلم "بين السما والأرض" مثلا والسيناريو لنجيب محفوظ، تنوع الشخصيات وتفاعلها الطبيعي ١
لسا متفرج على فيلم "برشامة" الفيلم سيئ، افيهات بسرعة افيه كل نص ثانية، إسهال افيهات بدون داعي الإطار دا اتكرر مع نفس المؤلف مثلا في فيلم "طلق صناعي" لكن كانت الكوميديا أهدى شوية، لكن صراحة انا ما استحملتش اكمل نص الفيلم. مستغرب جدا إعجاب الناس بيه لا ومقارنته كمان بفيلم "السادة الأفاضل" !!
نهاية أي عمل فني مجرد رؤية للحكاية من جهة المؤلف، النهايات ممكن تختلف حسب رؤية كل شخص، دا ينسحب على السيناريوهات والقصص القصيرة والروايات. في النهاية دي رؤية مؤلفها، وجود نقاشات تتفق أو تختلف على عمل فني هو المهم، لأنه معناه ان المتلقي تفاعل جدا مع العمل الفني لدرجة انه بيشوف رؤيته الشخصية فيه.
قاعد مع صديقي deepseek باسأله كالعادة، فوجئت لاقيته بيفكر بالصيني 😳
انا متفاجئ، امبارح كان افتتاح كاس العالم وماحدش قال لي 😂😂 انا افتجؤت وحقيقي ماعنديش أي فكرة عن تفاصيل كاس العالم دا الظاهر السياسة والحروب والحالة الاقتصادية سدت نفس الواحد
الحياة في مصر حاليا بتخلي الواحد يغلب عقله في أمور كتير، لأن العيشة نفسها بقت ضاغطة جدا لدرجة تخلي الحب مش أولوية.. في نفس الوقت هو السبيل الوحيد ان الإنسان يحس بآدميته خارج المنظومة المرهقة دي، أعتقد دا سبب لإقبال الناس على مسلسل "فل وياسمين" رغم ان القصة تقليدية واتهرست في أفلام قديمة.
وُلد غير صارخ، من رحم إلى رحم أكبر، ينظر للعالم من ثقب صغير، كان سعيدا، حتى خرج أخيرا إلى العالم الحقيقي، ظل حبيس خوفه كثيرا، وحين تمرد، سرقوا صوته، وتركوه يواجه مصيره أبكم لا يقدر على شئ.
في مسلسل "يا ورد على فل وياسمين" ما اظنش بحال من الأحوال العلاقة هتنتهي بجوازهم، بس "طارق" هيتغير، كان لازم يخرج من القوقعة بتاعته ويشوف الدنيا على حقيقتها، ويواجه نفسه وأبوه بشجاعة. أما "إلهام" خايف تكون نهاية المسلسل ليها تكون مأساوية.
في المتحف الزراعي شفت لوحات كتير بايد فنان كبير من رواد الفن التشكيلي في مصر اسمه "علي الأهواني" اللوحات مكتوبة بتواريخ بين التلاتينات والأربعينيات من القرن الماضي، مافيش حاجة مارسمهاش تخص الفلاحين، للأسف حاولت أبحث عن لوحات ليه او معلومات كافية في النت لاقيت معلومات شحيحة.
من الحاجات الحلوة في بلو سكاي، انا رجعت أكتب في السوشيال بدون تردد .. مؤخرا بقيت كدا على تويتر مش عارف ليه، كأني قاعد في الشارع نفس الاحساس اللي كان بيجيلي ع الفيس قبل ما اهاجر لتويتر زمان. هنا رجعت زي الأول باكتب اللي في نفسي وبراحتي
سمعت عن "طاقية الإخفا" لكن ما أتعجب له حقا أنني مختفٍ دون أي "طاقية". أجلس بينهم فلا يراني أحد، أتكلم ويهزون رؤوسهم، حتى حين قررت أن أصرخ، اكتفوا بحملقات عجيبة تجاهي وابتسامات بلهاء. تبدو عيونهم مرعبة وكبيرة، وأصواتهن كقرع أجراس مزعج، لا يكفون عن الثرثرة، فقررت ألا أكف عن الصراخ والبكاء... ١
قضى عمرا في بلده يبحث عن "المكنة اللي بتطلع قماش" أفنى عمرا، اجتهد وثابر، وأخيرا "المكنة طلعت له ورقة" مكتوب فيها "قماش ايه يا حمار، المكنة دي بتنتج بلح" باع ماكينته، وأنفق ما لديه في تأشيرة لبلاد الفرنجة، أعد حقيبته، وشهاداته ومعادلاته، بكى الأهل مع الأحضان والقبلات... ١
في وسط ما الواحد الدنيا ملطشة معاه، وللأسف، باصلي وكأني ما صليتش، بافقد التركيز تماما في أكتر حاجة تهدي النفس، أول ما باحس بالبعد دا بادخل في حالة، مزيج من قلق على حزن على ذكريات سيئة، أفتح اذاعة القرآن الكريم ألاقي الشيخ بيتكلم عن الصلاة وازاي المؤمن يصلحها. كلها رسايل بتأكدلي الخلل فين
السوق معادلته معروفة، قدرة شرائية أقل مع ارتفاع التضخم مع دولة سايبانا لتجار الجملة ومن وراءهم، النتيجة: شائعات عن أي حاجة، انخفاض استهلاك سلع معينة موجهة، التاجر بيبيع بخسارة او يادوب يغطي تكلفته، هتلاقوا دا متزامن مع ارتفاع تكاليف الانتاج لدورات قادمة، خروج صغار المنتجين، انتاج أقل مع تصدير..غلاء
عملت انترفيو مع الاخت صوفيا AI رسمي ...والله لطيف جدا، ومافيهاش كلاحة وغباوة بعض ال interviewers و professional وبعدين بعد الانترفيو ادتني report تفصيلي بكل حاجة قلتها
الكلام دا ماحدش بيدركه اوي قبل الأربعين
βαĝø@bag0.bsky.social · 5mo ago> أغلى مواردك هي وقتك وصحتك وطاقتك. راعيهم وراقبهم عشان ماتزعلش بعدين!
عايزة اتكلم في نقطة مهمة يمكن الناس مش واصل لها طبيعتنا هنا.. أغلب الموجود هنا مكنش هربان من قيود تويتر قد ما بعدنا عن الزحمة.. إحنا كسيدات وبنات لاقينا مساحة آمنة نتكلم فيها مع ناس شبهنا بدون قلق من اللي قدامك يتعامل بشكل سخيف.. الناس اللي عرفناهم هنا قمة الإحترام والتقدير للآخر..
خزعبلات everywhere والراجل بتاع البيض رايح اشتري منه امبارح جبت النباتي ب ١٠٠ وكان العادي ب ٨٥ وقاعد يبرطم انه كلها شهر ومربين هيخرجوا م السوق ويقل انتاجه وهيغلى الضعف بصيت له بكل لا مبالاة وقلت له " ايه الجديد ما حياتنا كلها في مصر بقت كدا"
الحاجة والدتي خالتي أقنعتها بطيبات العوضي ... انا خلاص كدا اتأكدت انه بقا cult وحاجة كدا زي" لكم دينكم ولي دين" !! المشكلة ان ابويا عنده السكر وحقيقي قلقان عليهم، أكلهم أصلا محدود مش بيقدروا ياكلوا أي حاجة، متضايق ومتنرفز من العك دا. أنا رايح لهم النهاردة ويا انا يا الكلام الفارغ دا
الفترة اللي فاتت اتفرجت على مسلسلين مواسم بصراحة حاجة جامدة جدا حوار وقصة وتصوير وموسيقى تصويرية وتمثيل... True detective ٤ مواسم Fargo ه مواسم حقيقي متعة فنية بجد للأسف خلصتهم ومتضايق وحاسس اني مش هلاقي حاجة بمستواهم
Since manus has been bought by Meta, it lost a lot of its efficiency.. otherwise paid plans might help
الحياة شوكولاتاية طعمها حلو، بس ممكن ترفع لك السكر، وتزود لك الوزن، وممكن تلهيك عن الأكل الطبيعي ، وممكن تحسسك بسعادة غامرة وتحلي حياتك، الأكيد انها هتخلص بسرعة قبل حتى ما تدرك انها خلصت
Karim -Y-@freeyer.bsky.social · 5mo agoايه وجهة نظرك في الحياة
nezamywritings.wordpress.com/2026/02/20/%... قلت أنشر البهجة على بلو سكاي، فجيت وايدي مش فاضية 😁😁🏃♂️🏃♂️ ويارب مايبقى فيه هنا بلوك
كوباية شاي
قدم تتثاقل، تحاول إنكار الخطوات القادمة، تزحف حينا وتمشي بثاقل أحيانا، ها هنا ينتهي كل شئ؟ -بالراحة شوية، مستعجلين ليه؟ عن يمينه ويساره يسير رجلان عريضان، وجوه متجمدة، شوارب كثة، لا ينطقون حرفا، يت…
nezamywritings.wordpress.com
طب والله من زمان ماحسيت باحساس لمة الصحاب على تويتر الا دلوقتي، منه لله علوان بوظ تويتر وبقا ابليكيشن ماسخ اوي لا محصل الفيس ولا انستا ولا تويتر ولا اي زفت على دماغه